Retejo: 
Aviarivets.com
Firmao, kiu komercas partojn por aviadiloj kaj helikopteroj, turnis sin al mi kun la celo redukti siajn kostojn. Ili decidis konstrui sian retejon sur la platformo WordPress, sed ne antaŭvidis la malfacilaĵojn de integri plurajn kromprogramojn — kaj krome multaj el ili (ekzemple la serĉilo en la datumbazo de produktoj por WooCommerce) montriĝis pagendaj.
Mi ekokupiĝis pri la backend, lernis PHP, kaj verkis senpagan kromprogramon por serĉi laŭ rilataj kampoj — kio esence resumiĝis al bone formita SQL SELECT. Poste mi ordigis la rezultojn alfabete, dividis ilin je paĝoj, kaj aldonis ligojn por navigado inter la paĝoj. En la komenco de la listo mi montris la varojn troveblajn en la stokejo, poste tiujn mendeblajn de partneraj stokejoj, kaj fine tiujn, kiujn necesas aĉeti rekte de la fabrikanto. Krome, mi aldonis antaŭdiran aŭtokompletigon al la „Serĉo” kampo.
Poste mi aranĝis la modulojn tra la retejo, lokis la serĉkampojn, programis la ŝargadon de rezultoj kaj modifis la funkciojn, kiuj difinas la konduton de la retejo laŭ la enigoj de la uzanto. Ekzemple, mi ŝanĝis la kodon de la aĉetkorbo tiel, ke ĝi kalkulu nur diversajn varotipojn, ne la tutan kvanton: se kliento aldonos mil nitilojn de unu tipo kaj mil kvincent de alia, la piktogramo de la korbo montros “2” anstataŭ “2500”.
Fakte, la solaj aferoj, kiujn mi ne tuŝis, estis la aspekto de la retejo kaj la kromprogramo WooCommerce mem.
Retejo: Aviarivets.com